Päk Nesil okuw merkezi: bilim we üstünlikleriň mekany

Habarçy: Salam! Bu gün biz ýurdumyzyň iň abraýly bilim ojaklarynyň biri bolan Päk Nesil okuw merkeziniň işi bilen ýakyndan tanyşarys. Biziň soraglarymyza merkeziň wekili jogap berer. Geliň, söhbetdeşligimize okuw materiallaryndan başlalyň. Okuwçylaryňyzy kitaplar bilen kim üpjün edýär?

Päk Nesil: Salam! Elbetde, bizde bilim alýan her bir okuwçy ähli zerur okuw gollanmalary we kitaplar bilen merkezimiz tarapyndan doly üpjün edilýär. Biz diňe iň soňky neşirleri ulanyp, okuwçylarymyzyň dünýäniň iň täze bilim standartlary bilen aýakdaş gitmeklerini üpjün edýäris.

Habarçy: Mugallymlary işe alanyňyzda esasy nämelere üns berýärsiňiz? Mugallymlarda diňe diplom bolmagy ýeterliklimi?

Päk Nesil: Diplom esasy şert, ýöne ýeterlik däl. Bizde mugallymlary saýlap almak birnäçe tapgyrdan ybarat: ilki diplom barlanylýar, soňra ýörite barlag testleri alynýar. Iň esasy tapgyr bolsa mugallymyň açyk sapagydyr. Biz şol ýerde onuň sapagy nähili düşündirişine, pedagogik usullaryna we okuwçylar bilen oňat dil tapyşmagyna baha berýäris.

Habarçy: Köp ene-atalary bir sorag gyzyklandyrýar: Okuwçy sapakdan daşary wagtda-da düşunmedik soragyny mugallyma berip bilýärmi?

Päk Nesil: Hawa, hökman. Biziň okuwçylarymyz sapakdan öň ýa-da soň mugallym bilen arkaýyn söhbetdeş bolup bilýärler. Şeýle-de, zerurlyk bolanda telefon arkaly hem sorag-jogap alyşmaga mümkinçilik döredilen.

Habarçy: Päk Nesil merkeziniň beýleki okuw merkezlerinden tapawudy we iň uly artykmaçlygy nämede?

Päk Nesil: Biziň esasy aýratynlygymyz — okuwçylarymyzy olimpiadalara ýörite taýýarlaýandygymyzdyr. Okuwçy kabul edenimizde hem olaryň diňe bir dil bilimine däl, eýsem gürlemek (speaking) ukyplaryna hem üns berýäris.

Habarçy: Bu taýýarlyklar öz miwesini berýärmi? Okuwçylaryňyzyň gazanan üstünlikleri barada aýdyp beräýseňiz.

Päk Nesil: Elbetde! Biziň okuwçylarymyz dil merkezleriniň arasynda geçirilýän şäherara olimpiadalarynda yzygiderli 1-nji, 2-nji we 3-nji baýrakly orunlary eýeleýärler. Şeýle hem, biziň berýän sertifikatlarymyz ýaşlara geljekde ýokary okuw jaýlaryna girmekde uly ýardam edýär.

Habarçy: Bir toparda näçe okuwçy okaýar we olaryň ýetişigine nähili gözegçilik edýärsiňiz?

Päk Nesil: Bir toparda maksimum 25 okuwçy bolýar. Ýetişik barada aýtsak, her temadan soň kiçiräk barlag testleri geçirilýär. Her tapgyryň dowamynda bolsa 4 sany uly synag arkaly okuwçynyň bilim derejesine gözegçilik edilýär. Ene-atalar bilen bolsa SMS we telefon jaňlary arkaly yzygiderli habarlaşyp, çagalarynyň gatnaşygy we ýetişigi barada maglumat berýäris.

Habarçy: Töleg şertleri we ýeňillikler barada hem durup geçseňiz.

Päk Nesil: Bizde maşgala bolup gatnaýanlar üçin ýörite ýeňillikler bar. Meselem, bir maşgaladan 3 adam gatnaşsa, her biri üçin 100 manat arzanladyş edilýär. Mundan başga-da, täze tapgyra ýazylyşyk başlanan wagty birinji hepdede ýazylanlara 200 manat, ikinji hepdede bolsa 100 manat arzanladyş hödürleýäris. Eger okuwçy käbir sebäplere görä okuwy dowam edip bilmese, puly saklanyp galýar ýa-da yzyna gaýtarylyp berilýär.

Habarçy: Söhbetdeşligimiziň ahyrynda okyjylarymyza salgylaryňyzy ýatladyp geçseňiz?

Päk Nesil: Elbetde, biziň paýtagtymyzda 3 sany şahamçamyz bar:

1. Andalyp köçesi: Balyk restoranynyň binasy, 3-nji gat.

2. Ýylgaý Durdyýew köçesi: Ýüpek Ýoly binasy, 2-nji gat.

3. Oguzhan köçesi: Rysgal Banky, A blok, 6-njy gat.

Habarçy: Sag boluň, işleriňizde üstünlikler arzuw edýäris!

Päk Nesil: Sag boluň, köp minnetdar!