New Media: Sungatyň we Döredijiligiň Täze Mekany

1. Döredijilik ýoluna nähili başladyňyz we studiýanyň esasy maksady näme?

New Media studiýasyny döretmek pikiriniň düýbinde internet platformalarynda mynasyp orun eýelemek we halkymyza öz işlerimizi tanatmak islegi ýatyr. Men kiçiligimden bäri edebiýata we sungata uly sarpa goýýaryn, şol sebäpli hem bu ugurdaky tejribäm çagalyk ýyllarymdan başlanýar diýip bileris.

2. New Media beýleki studiýalardan näme bilen tapawutlanýar?

Biz bazara Media ady bilen girenden soň, meňzeş atly studiýalaryň köpelendigini gördük. Bu bizi diňe begendirýär, sebäbi başgalara-da ylham berip bildik. Emma biziň esasy tapawutlylygymyz — hil standartymyzda. Biz ilki bilen öz göwnümiziň ýetmeýän, ýokary hilli bolmadyk hiç bir işi müşderä hödürlemeýäris.

3. Häzirki wagtda haýsy hyzmatlary hödürleýärsiňiz?

Esasan, mahabat (reklama) rolikleri, sungat älemine degişli wideo işler we dürli döredijilikli media hyzmatlaryny amala aşyrýarys.

4. Haýsy hyzmatlaryňyza isleg has ýokary?

Müşderilerimiz tarapyndan durmuşyň ajy-süýji pursatlaryny, adamzat ýalňyşlaryny beýan edýän wideolarymyza isleg has uly. Şeýle hem aýdymyň içki duýgusyny wideo arkaly açyp görkezmekde özboluşly tejribämiz bar. Bu ugurdaky wideolarymyz halk tarapyndan söýlüp görlýär.

5. Işiňizde tehnologiýadan we milli gymmatlyklardan nähili peýdalanýarsyňyz?

Tehniki taýdan emeli aňy köp ulanmasak-da, döredijilik taýdan örän baý çeşmelerimiz bar. Biziň iň uly ylham çeşmämiz — Magtymguly Pyragy, Kerim Gurbanepesow ýaly beýik türkmen şahyrlarynyň goşgularydyr. Işlerimiziň ruhy sütüni milli edebiýatymyza daýanýar.

6. Ýokary hile ýetmek üçin haýsy ýörelgelere eýerýärsiňiz?

Meniň esasy ýörelgäm — gaýtalanmazlyk. Hiç ýerde görülmedik, üýtgeşik işleri döretmäge çalyşýaryn. Başgalaryň ýolundan gitmek ýeňil bolup biler, ýöne men kyn bolsa-da, özboluşly ýoly saýlaýaryn.

7. Ideýadan taýýar önüme çenli iş akymy nähili geçýär?

Proses ylham gelmekden başlanýar. Soňra şol ideýa laýyk aýdym-saz saýlanýar. Ondan soň bolsa gahrymanlaryň suratlary we wideo kadrlary işlenip, netijede bitewi bir taýýar önüm emele gelýär.

8. Müşderileriň seslenmeleri sizi nähili ruhlandyrýar?

Müşderilerden we tomaşaçylardan gelýän her bir seslenme biziň üçin gymmatly. Köplenç internetde tapylmaýan täsin sazlary ulanýanlygymyz sebäpli, adamlardan şol sazlary nireden tapyp boljakdygy barada köp sowallar gelýär. Bu biziň saýlap alýan ugrumyzyň gyzyklydygyny görkezýär.

9. Geljekki meýilnamalaryňyz nähili?

New Media adyny Türkmenistanda iň uly we tanalýan Brend derejesine ýetirmek isleýäris. Täze taslamalarymyzda ene-atanyň mukaddesligi, hakyky söýgi we ynsanyň kynçylyklary ýeňip, nähili belentliklere ýetip biljekdigi hakynda täsirli wideolary taýýarlaýarys.

10. Media älemine täze gelýän ýaşlara maslahatyňyz?

Iň esasy maslahatym: Hiç ýerde görülmedik işi ediň! Daş-töweregiňizdäki adamlar gowy boldy diýseler-de, eger şol işe öz göwnüňiz ýetmeýän bolsa, ony halka hödürlemäň. Diňe özüňiziň iň uly tankytçysy bolup, iň kämil işi döretmäge çalşyň.

11. Habarlaşmak üçin:

• Salgy: Aşgabat ş., Parahat 7/3

• Instagram: @new_media_offical

• TikTok: @newmedia_production

• Telefon: +99362545019