Kesgitli Design — giňişlikde anyk pikir we sazlaşyk

Bu interwýuda biz Kesgitli Design-yň döreýşi, dizaýna bolan garaýşy, iş ýörelgesi we geljek meýilnamalary barada gürrüňdeş bolduk.

— Ilki bilen “Kesgitli” ady näme sebäpli saýlandy?

— “Kesgitli” sözi meniň dizaýna bolan garaýşymy doly açyp görkezýär. Bu forma, çyzyk we giňişlikdäki ynamlylygy aňladýar. Men her bir jikme-jiginiň öz orny we manysy bolan interýerleri döredýärin. Meniň üçin dizaýn tötänleýin bezeg däl, eýsem anyk konsepsiýa we oýlanyşykly estetika.

— Dizaýnlaryňyzda iň köp üns berýän esasy zatlaryňyz nämeler?

— Her bir taslama meniň üçin aýratyn we jogapkärçilikli iş. Men her bir detala üns bilen seredýärin. Esasan minimalizm, neoklassika we klassika stilinde işleýärin. Arassa çyzyklar, forma sazlaşygy we oýlanyşykly estetika meniň üçin esasy ýörelgelerdir.

— Siz dizaýnyň haýsy ugurlary bilen meşgullanýarsyňyz?

— Men interýer dizaýnyň ähli tapgyrlaryny öz içine alýan işler bilen meşgullanýaryn: eskizler, konsepsiýa, planirowka, 3D wizualizasiýa, iş çyzgylary, şeýle hem spesifikasiýalar we wedomostlar.

— Köplenç haýsy pudaklar bilen işleýärsiňiz?

— Taslamalarym dürli ugurlary öz içine alýar. Esasan restoranlar, kottej jaýlar, kwartiralar we abadanlaşdyryş işleri bilen işleýärin. Her bir giňişligi şol ýerde ýaşaýan ýa-da işleýän adamlar üçin amatly we manyly etmäge çalyşýaryn.

— Bir taslamanyň üstünde işläniňizde iş prosesi nähili başlanýar?

— Taslama başlananda ilki bilen içimde ylham we geljekki interýeriň keşbi döreýär. Şol pikir eskizlere, soň bolsa doly taslama öwrülýär. Taslama tamamlananda ähli elementleriň sazlaşykly birleşendigini görmek uly lezzet berýär.

— Dizaýn işleriňizde haýsy programmalardan peýdalanýarsyňyz?

— Men ähli taslama işlerini AutoCAD we 3ds Max programmalarynda ýerine ýetirýärin. Bu programmalar arkaly hem tehniki takyklygy, hem-de ýokary derejeli wizual görkezişi üpjün edip bolýar.

— Kesgitli Design toparymy ýa-da şahsy brendmi?

— Kesgitli Design — bu bir adamyň, ýagny meniň tarapymdan döredilen taslamadyr. Her bir pikir, her bir çyzyk we her bir interýer meniň ylhamymdan we köp sagatlyk zähmetimden döreýär. Bu ýerde her bir gözelligiň yzynda uly iş bar.

— Täze taslamalar üçin ylhamy nireden alýarsyňyz?

— Ylham tebigatdan, arhitekturadan, beýleki ýurtlaryň medeniýetinden, sungat kitaplaryndan, žurnallardan we sanly platformalardan gelýär. Men ýagtylygy, teksturany, reňkleri we materiallary synlap, pikirleri ýazýaryn we eskiz edýärin.

— Şu güne çenli iň çylşyrymly taslamaňyz haýsy boldy?

— Iň kyn taslamalaryň biri Türkmenabat şäherinde, Bitarap Türkmenistan köçesindäki kommunikasiýalar bilen bagly interýer taslamasy boldy. Tehniki taýdan örän çylşyrymlydy, ýöne uly tejribe berdi.

— Siziň pikiriňizçe, näme üçin türkmen telekeçileri dizaýna uly üns bermeli?

— Dizaýn diňe gözellik däl, bu ynam we hil. Esasan hem plitka we bezeg örtükleriniň önümçiligi ýaly ugurlarda hil we innowasiýa uly rol oýnaýar. Men telekeçilere berk, talap edilýän we döwrebap çözgütleri maslahat berýärin.

— Geljek üçin meýilnamalaryňyz nähili?

— Nesip bolsa, halkara bazaryna çykmak isleýärin. Dizaýnyň hili we oýlanyşykly çemeleşme bu maksada ýetmäge mümkinçilik berýär.

— Siziň bilen işleşmek isleýänler nähili habarlaşyp biler?

— Telefon belgimiz +99364200422.

— Salgymyz Türkmenabat şäheriniň Elite söwda merkezi.

Geljekde bolsa blog açyp, iş barada ähli maglumatlarymy doly görnüşde paýlaşmagy meýilleşdirýärin.