Her oýunçyda 4 aşyk + 1 altyn kenek (ortada her reňkden 4 aşyk)
📖 Düzgünler we şertler
Meýdança: tegelek çyzyk çekilýär, onuň ortasynda göni çyzyk bar. Her oýunçynyň 4 aşygy we 1 altyn kenegi bar; 4 aşygyny ortaky çyzykda dikýär (ortada oýunçy sanyndan 4 esse köp aşyk bolýar). Aşyklar oýunçynyň reňkinde: gök, gyzyl, ýaşyl, sary, çal — her reňkden 4. Tegelegiň iki tarapynda pellehana çyzygy bar.
Nobat: emin kenekleri ýokary oklap nobaty kesýär: alçy → jikge → tükge → towha (deň bolsa tötänleýin).
Oýnuň oýnalyşy: pellehananyň çyzygyny basman, kenegi aşyklara atýarsyň. Kenek — seniň altyn aşygyň (adaty aşyklardan uly), ony aşakdaky 3 ädim bilen zyňýarsyň. Pellehanada kenegi çepe-saga süýşürip bolýar.
Aşygy tegelek çyzykdan çykarsaň, ony alýarsyň we kenegiň duran ýerinden (tegelekden daşda) ýene urmaga hukuk gazanýarsyň. Çykaryp bilmeseň, nobat beýleki oýunça geçýär.
1-nji düzgün: kenek tegelek çyzygyň ýa-da pellehananyň üstünde galmaly däl. Çyzygy bassa nobat geçýär. Kenek tegelegiň içinde galsa, ol tegelegiň daşyna goýulýar.
2-nji düzgün: aşyk tegelek çyzykdan bir garyşdan (ýakyn) az bolsa, «☝ Çilt» düwmesi bilen ony kenek bilen çiltip bolýar (güýç çäkli). Bir garyşdan uzak bolsa çilt bolmaýar.
Tegelek giň, aşyk agyr: aşyklar ýerde çuň oturýar, olary güýçli urmasaň az gymyldaýar. Ortadaky aşyklary birnäçe urguda kem-kemden tegelek çyzyga ýetirmeli.
Zyňyş: 1) Urgy görnüşini saýla: «➡ Göni» (kenek ýerde süýşýär, ýolda duran aşyklara degýär) ýa-da «⬆ Beýik» (kenek aşyklaryň üstünden uçup, görkezilen ýere düşýär). 2) Kenegi bilýard ýaly yza çek: garşy tarap ugry görkezýär (Beýik urgyda çekilen aralyk düşýän ýeri kesgitleýär). 3) Goýberensoň ölçeg iki tarapa geçýär: ortasynda «Urmak!» bassaň urgy iň güýçli, gyralarynda gowşak. 4) Soraga dogry jogap berseň urgy has güýçli (+40%) we has takyk bolýar; ýalňyş bolsa adaty urgy.
Kenek uçup gitse: kenek meýdançanyň çäginden çykyp gitse, yzyna gaýtmaýar. Aşyk alnan bolsa, kenegi pellehanadan täzeden zyňyp bolýar; alynmasa nobat geçýär.
Gutarmak: tegelekde aşyk galmanda. Köp aşyk alan ýeňýär. Deň bolsa deňlik yglan edilýär.
Ýekelik: sen 1–4 kompýuter garşydaşa garşy oýnaýarsyň.
Multiplayer: 2–5 adam bir enjamda nobatma-nobat oýnaýar. Nobat wagty 15 ýa-da 30 sekunt bolup biler, wagt gutarsa nobat geçýär.