Adamyň kadaly görkezijileri

Bu programmada adamyň laborator we instrumental barlaglarynyň 300-den gowrak kadaly görkezijisi ýerleşdirildi. Şeýle möçberdäki maglumatlaryň bir ulgamda jemlenmegi ulanyjylara zerur bolan barlag netijelerini gysga wagtyň içinde tapmaga we deňeşdirmäge mümkinçilik berýär. Programma lukmanlar hem-de talyplar üçin gündelik işde we okuwda ygtybarly gollanma bolar diýip umyt edýäris. Bu sanly taslama Myrat Garryýew adyndaky Türkmenistanyň Döwlet lukmançylyk uniwersitetiniň Kliniki farmakologiýa we gospital terapiýa kafedrasy bilen hyzmatdaşlykda taýýarlanyldy.